Bannað að flytja ljónshöfuð eftir drápið á Cecil

Bandarísku flugfélögin Delta og American Airlines hafa ákveðið að banna flutning á öllum veiðiminjagripum vegna drápsins á ljóninu Cecil. Í tilkynningu frá félaginu segir að héðan í frá megi ekki flytja neins konar leifar af ljónum, nashyrningum, hlébörðum, fílum eða buffaló-dýrum. Það gildi um allar vélar félagsins, hvaðanæva í heiminum.

Drápið á Cecil hefur vakið mikla reiði um heim allan, en hann var eitt frægasta ljón Afríku, og eitt helsta aðdráttarafl Hwange þjóðgarðsins í Zimbabwa.