Ástarsaga Brooke Logan: Hefur gifst tólf sinnum, verið með bræðrum og föður þeirra

Þættirnir The Bold and the Beautiful hafa notið mikilla vinsælda á Íslandi síðustu ár og hafa þeir verið sýndir á Stöð2 í um tvo áratugi.

Í Morgunþættinum á FM597 var farið í gegnum ástarsögu Brooke Logan í gegnum tíðina en hún er ein af aðalsögupersónum þáttanna og vita nú felst allir hver það er. Sumir karakterarnir eru einskonar gestir á íslenskum heimilum.

Katherine Kelly Lang leikur Brooke í þáttunum en hún byrjaði í þáttunum árið 1987 og hefur hún leikið Brooke sleitulaust síðan þá, í heil 28 ár.

Til að byrja með stingur hún undan vinkonu sinni og byrjar í framhaldinu með Ridge Forrester og kemur með trompi inni í þættina. Um leið verður hún ólétt eftir Ridge en missir síðan fóstur. Þá tekur Logan upp á því að byrja með faðir Ridge, Eric Forrester og verður fljótlega ólétt eftir þann eldri.

Saman eignast þau drenginn Rick. Stuttu síðar byrjar hún á ný með Ridge og verður einnig ólétt eftir hann, eða það heldur Ridge. Tíu árum síðar kemur aftur á móti í ljós að Eric átti barnið eftir allt saman.

Eftir þetta rænir hún börnunum sínum og fer með þau út úr landi. Upphefst þá mikil forræðisdeila. Ef litið er yfir síðustu 30 ár, þá hafa þau Brooke Logan og Ridge Forrester gengið í það heilaga sex sinnum. Allt í allt hefur hún aftur á móti gengið tólf sinnum í það heilaga í þáttunum. 

Á einum tímapunkti tekur hún saman við Thorne Forrester, bróðir Ridge og vissulega son Eric. Á þeim tímapunkti hefur hún semsagt verið með báðum bræðrunum og föður þeirra, og gifst þeim öllum. Hún giftist Ridge sex sinnum, Eric í tvígang og Thorne einu sinni. Ástarsögu hennar er, þegar hér kemur við sögu, hvergi nærri lokið og hún byrjar með kærasta dóttur sinnar. 

Hún tekur saman við Deacon Sharpe og eignast með honum Hope Logan. Á þeim tímapunkti var Deacon við það að giftast Bridget Forrester, dóttur hennar. Nú er hún byrjuð með Bill Spencer sem er eiginmaður systur hennar.