Reykvíkingar kjósa í febrúar

Rafræna íbúakosningin Betri hverfi 2015 fer fram í Reykjavík dagana 17. til 24. febrúar næstkomandi. Kjósa á um verkefni í hverfum borgarinnar. Kosið verður milli allt að 20 hugmynda í tíu hverfum borgarinnar.

Sextán ára og eldri með lögheimili í Reykjavík geta tekið þátt. Til þess að komast inn á kosningavefinn verða íbúar að eiga Íslykil eða rafræn skilríki til auðkenningar.

Niðurstöður kosninganna eru bindandi fyrir Reykjavíkurborg sem skuldbindur sig til að framkvæmda þau verkefni sem kosin eru.