Gunnar sinnti módelstörfum i fjóra klukkutíma

Bardagakapparnir í UFC þurfa að sinna ýmsum hlutum í aðdraganda UFC-kvölda og vikan fer í að sinna ýmsu. Það er ekki bara einbeiting út í eitt.

Í gær var Gunnar í myndatöku fyrir UFC á MGM Grand-hótelinu og tók hún litla fjóra klukkutíma.

Blaðamaður fékk að sjá nokkrar myndanna sem litu vel út. Okkar maður með íslenska fánann á lofti.

UFC er farið að senda sitt fólk í Reebok en ný lína fyrir UFC var kynnt á dögunum. Hún er nokkuð umdeild og sitt sýnist hverjum um gæðin. Gunnar verður í nýju buxunum frá Reebok á laugardag og auglýsingalaus enda má ekki setja auglýsingar á keppnisbuxurnar.

Gunnar gaf einnig nokkur viðtöl á meðan ljósmyndari stillti upp á ný. Ekki dauð stund þó svo hann hefði borið sig vel. Hluti af pakkanum og hann veit það. Ekkert væl. Hlutunum sinnt af fagmennsku og svo næsti dagur.

Á morgun er síðan fjölmiðladagur þar sem Gunnar mun þurfa að standa viðtalsvaktina lengi.

Vísir er í Las Vegas og fylgir Gunnari Nelson eftir alla vikuna. Ekki missa af neinu. Like-aðu okkur á Facebook, eltu okkur á Twitter og skyggnstu bakvið tjöldin á Snapchat (sport365). Tryggðu þér svo áskrift á 365.is.