Matarsóun verður að stöðva

„Við erum að setja ruslsæng yfir matarkall með vindgang og gefa öllum heiminum „hollenska ofninn,“ segir satírusnillingurinn John Oliver sem gerði matarsóun að umfjöllunarefni sínu í nýjasta þætti Last Week Tonight.

Matarsóun er gríðarstórt vandamál í heiminum, jafnt vestanhafs sem hér á landi og gera Íslendingar sig sekir um að henda tugum kílóa af mat á mann árlega. Rannsóknir hafa bent til þess að við hendum jafnvel um þriðjungi alls þess matar sem við kaupum og hleypur andvirðið á hundruðum þúsunda.

Umfang vandans er engu minni í Bandaríkjunum, landi þar sem milljónir manna lifa undir fátæktarmörkum og hafa ekki efni á að fæða sig eða börn sín. Það eykur einungis á vandann að nú er yfirvofandi vatnsskortur í fjölmennasta fylgi landsins, Kaliforníu, og skýtur skökku við að henda mat sem mikið vatn hefur farið í að framleiða þegar vatnið er af skornum skammti.

Þá hefur matarsóun í för með sér gífurlegt álag á ruslahauga, sem og losun gróðurhúsalofttegunda.

Yfirferð Olivers má sjá hér að neðan.