Finnst Firmino verið alveg ömurlegur

John Aldridge, fyrrverandi leikmaður Liverpool, fannst Brasilíski framherjinn Roberto Firmino alveg ömurlegur í 2-0 tapinu gegn Newcastle á sunnudaginn.

Aldridge fór hörðum orðum um Brassann í pistli sínum í Liverpool Echo, en lærisveinar Jürgens Klopps töpuðu leiknum eftir að vinna Southampton, 6-1, í deildabikarnum aðeins nokkrum dögum fyrr.

Liverpool-liðið var ekki líkt sjálfu sér eftir að Klopp tók við og Aldridge skellti stórum hluta skammarinnar á Firmino sem var að spila án samlanda síns Philippe Coutinho í framlínunni.

„Roberto Firmino er að spila eins og eitthvað sé að, bæði andlega og líkamlega. Hann er búinn að vera ósýnilegur tvo leiki í röð eftir frábæra frammistöðu gegn Manchester City. Ástæðan getur ekki verið svo einföld að Liverpool vantaði Coutinho,“ sagði John Aldridge.

Tapið skildi Liverpool eftir í áttunda sæti með 23 stig, en það er nú sex stigum frá Meistaradeildarsæti. Þetta var aðeins þriðji sigur Newcastle á leiktíðinni í fyrstu 15 leikjum tímabilsins.