Umfjöllun: Makedónía - Ísland 0-4 | Auðveld afgreiðsla í bleytunni í Skopje Tómas Þór Þórðarson skrifar 22. október 2015 13:15 Fullt hús eftir tvo leiki. Vísir/Vilhelm Íslenska kvennalandsliðið í fótbolta vann öruggan sigurá slöku liði Makedóníu, 4-0, þegar liðin mættust í Skopje í dag í undankeppni EM 2017. Yfirburðir stelpnanna okkar voru algjörir og hefðu mörkin hæglega getað verið fleiri. Engu að síður fagmannleg frammistaða hjá liðinu. Til að byrja með verður að minnast á völlinn sem stelpurnar spiluðu á. Ekki bara var þeim og auðvitað makedónska liðinu, sýnd sú óvirðing að spila á æfingavelli þar sem var ekki einu sinni leikklukka, heldur var völlurinn líka óspilhæfur. Mikil rignin er búin að vera í Skopje og var völlurinn rennblautur. Pollar voru út um allt og voru stelpurnar stundum nálægt því að drukkna þegar þær renndu sér í bleytunni. Aðstæður algjörlega til skammar. Boltinn stoppaði endalaust í pollunum og gerði leikmönnum erfitt fyrir. Leikurinn var aðeins níu mínútna gamall þegar Ísland skoraði fyrsta markið. Margrét Lára Viðarsdóttir, sem brenndi af vítaspyrnu í sínum 100. landsleik í síðasta mánuði, kom stelpunum okkar á bragðið. Hún stýrði þá fallegri fyrirgjöf Hallberu Gísladóttur í netið. Hallbera fór á kostum í fyrsta leiknum gegn Hvíta-Rússlandi þar sem hún átti mikið af fallegum fyrirgjöfum, en ein þeirra varð að marki líkt og í dag. Glódís Perla Viggósdóttir, miðvörður íslenska liðsins, bætti við marki með hörkuskoti á 12. mínútu og Harpa Þorsteinsdóttir því þriðja fimm mínútum síðar. Ekki 20 mínútur búnar og staðan orðin 3-0 fyrir Íslandi. Sandra María Jessen lagði upp markið fyrir Hörpu, en norðankonan kom inn í liðið fyrir Hólmfríði Magnúsdóttur. Hólmfríður gat ekki tekið þátt vegna meiðsla og þarf því að bíða aðeins lengur eftir að spila 100. landsleikinn. Okkar stelpur gátu labbað framhjá makedónsku leikmönnunum þegar þeim datt það í hug, og eftir lagleg tilþrif Fanndísar Friðriksdóttur og stungusendingar inn fyrir vörnina bætti Margrét Lára við öðru marki sínu og fjórða marki Íslands á 30. mínútu, 4-0. Þannig var staðan í hálfleik. Freyr Alexandersson, landsliðsþjálfari, vildi ekkert gefa eftir og kallaði sífellt á stelpurnar á halda gæðunum uppi og reyna að skora fleiri mörk. Erfiðlega gekk þó að halda haus í byrjun seinni hálfleiks því framan af var lítið að frétta hjá okkar stelpum. Komst dapurt lið Makedóníu þá betur inn í leikinn. Þrátt fyrir mikla yfirburði úti á vellinum náði íslenska liðið ekki að bæta við mörkum í seinni hálfleiknum. Nokkuð furðulegt í ljósi þess hvernig leikurinn fór af stað. Til að hrósa makedónska liðinu aðeins lagaði það leik sinn mikið í seinni hálfleik. Varnarleikurinn var sterkari og einstaklingsmistökin færri, en að sama skapi vantaði meiri ákefð og áræðni í íslenska liðið. Svava Rós Guðmundsdóttir kom inn á sem varamaður í sínum fyrsta landsleik, en þessi efnilegi tvítugi framherji kom inn á fyrir samherja sinn hjá Breiðabliki, Fanndísi Friðriksdóttur. Sara Björk Gunnarsdóttir var eins og drottning inn á miðjunni og stýrði spili íslenska liðsins eins og hægt var í bleytunni og miðverðirnir Anna Björk og Glódís Perla höfðu saman góðar gætur á besta leikmanni Makedóníu, Natösju Andanovu. Skylduverkefni afgreitt hjá stelpunum í Skopje en nú tekur við um helgina erfiðara verkefni gegn Slóveníu. EM 2017 í Hollandi Mest lesið Uppgjörið: Ísland - Finnland 0-1 | Finnar þorðu og stelpurnar okkar horfðu upp á tap Fótbolti Glódís Perla skipti um stuttbuxur í miðjum leik Fótbolti „Vonandi nær Sveindís að skora, þá verður ferðin þess virði“ Fótbolti Karólína Lea orðin leikmaður Inter Fótbolti Mörg hundruð manna móttaka í Tyrklandi: „Ég elska þig Logi!“ Fótbolti „Tinna mamma“ heldur áfram utan um stelpurnar sínar á EM Fótbolti Frábærar myndir af glöðum Íslendingum á EM Fótbolti Hófu Finnar sálfræðistríð? „Ákveðinn talsmáti sem þær nota“ Fótbolti Margar milljónir í húfi fyrir hvern leikmann í íslenska liðinu á EM Fótbolti Fyrsta byrjunarlið Íslands á EM Fótbolti Fleiri fréttir Einkunnir íslensku stelpnanna: Cecilía best en liðið betra manni færri Twitter yfir leiknum gegn Finnlandi: Vonbrigði í Thun Courtois: Trent Alexander-Arnold martröð fyrir markverði Glódís Perla skipti um stuttbuxur í miðjum leik Frábærar myndir af glöðum Íslendingum á EM „Við erum betra liðið“ Fyrsta byrjunarlið Íslands á EM Uppgjörið: Ísland - Finnland 0-1 | Finnar þorðu og stelpurnar okkar horfðu upp á tap Vissir um að Messi verði áfram í Miami Mamman hefur trú á Sveindísi: „Hún er að fara láta þeim líða hræðilega“ Feðgarnir spenntir fyrir leiknum: „Þá þarf ég að fljúga aftur til Sviss“ „Hún fann það sjálf að hún þyrfti að prófa eitthvað nýtt“ „Ungur og hæfileikaríkur leikmannahópur“ Margar milljónir í húfi fyrir hvern leikmann í íslenska liðinu á EM „Verður vonandi langt sumar í Sviss“ Leikdagur á EM: Áþreifanleg spenna og Finnar jafnvel spenntari „Vonandi nær Sveindís að skora, þá verður ferðin þess virði“ UEFA sveigir reglurnar fyrir fyrsta leik Íslands á EM Goðsagnir hita upp fyrir EM í Pallborði Þjálfara Finna létt skömmu fyrir fyrsta leik á EM gegn Íslandi „Reisn“ yfir ákvörðun Jóns Daða sem gaf stórliðunum langt nef Hófu Finnar sálfræðistríð? „Ákveðinn talsmáti sem þær nota“ Karólína Lea orðin leikmaður Inter „Tinna mamma“ heldur áfram utan um stelpurnar sínar á EM Mörg hundruð manna móttaka í Tyrklandi: „Ég elska þig Logi!“ Dortmund mætir Real en Bellingham bræður mætast ekki „Verður gríðarlega stór stund fyrir mig“ Lokaæfing fyrir EM tekin í þrumum og eldingum „Þetta er svekkjandi“ „Engar svakalegar reglur hér“ Sjá meira
Íslenska kvennalandsliðið í fótbolta vann öruggan sigurá slöku liði Makedóníu, 4-0, þegar liðin mættust í Skopje í dag í undankeppni EM 2017. Yfirburðir stelpnanna okkar voru algjörir og hefðu mörkin hæglega getað verið fleiri. Engu að síður fagmannleg frammistaða hjá liðinu. Til að byrja með verður að minnast á völlinn sem stelpurnar spiluðu á. Ekki bara var þeim og auðvitað makedónska liðinu, sýnd sú óvirðing að spila á æfingavelli þar sem var ekki einu sinni leikklukka, heldur var völlurinn líka óspilhæfur. Mikil rignin er búin að vera í Skopje og var völlurinn rennblautur. Pollar voru út um allt og voru stelpurnar stundum nálægt því að drukkna þegar þær renndu sér í bleytunni. Aðstæður algjörlega til skammar. Boltinn stoppaði endalaust í pollunum og gerði leikmönnum erfitt fyrir. Leikurinn var aðeins níu mínútna gamall þegar Ísland skoraði fyrsta markið. Margrét Lára Viðarsdóttir, sem brenndi af vítaspyrnu í sínum 100. landsleik í síðasta mánuði, kom stelpunum okkar á bragðið. Hún stýrði þá fallegri fyrirgjöf Hallberu Gísladóttur í netið. Hallbera fór á kostum í fyrsta leiknum gegn Hvíta-Rússlandi þar sem hún átti mikið af fallegum fyrirgjöfum, en ein þeirra varð að marki líkt og í dag. Glódís Perla Viggósdóttir, miðvörður íslenska liðsins, bætti við marki með hörkuskoti á 12. mínútu og Harpa Þorsteinsdóttir því þriðja fimm mínútum síðar. Ekki 20 mínútur búnar og staðan orðin 3-0 fyrir Íslandi. Sandra María Jessen lagði upp markið fyrir Hörpu, en norðankonan kom inn í liðið fyrir Hólmfríði Magnúsdóttur. Hólmfríður gat ekki tekið þátt vegna meiðsla og þarf því að bíða aðeins lengur eftir að spila 100. landsleikinn. Okkar stelpur gátu labbað framhjá makedónsku leikmönnunum þegar þeim datt það í hug, og eftir lagleg tilþrif Fanndísar Friðriksdóttur og stungusendingar inn fyrir vörnina bætti Margrét Lára við öðru marki sínu og fjórða marki Íslands á 30. mínútu, 4-0. Þannig var staðan í hálfleik. Freyr Alexandersson, landsliðsþjálfari, vildi ekkert gefa eftir og kallaði sífellt á stelpurnar á halda gæðunum uppi og reyna að skora fleiri mörk. Erfiðlega gekk þó að halda haus í byrjun seinni hálfleiks því framan af var lítið að frétta hjá okkar stelpum. Komst dapurt lið Makedóníu þá betur inn í leikinn. Þrátt fyrir mikla yfirburði úti á vellinum náði íslenska liðið ekki að bæta við mörkum í seinni hálfleiknum. Nokkuð furðulegt í ljósi þess hvernig leikurinn fór af stað. Til að hrósa makedónska liðinu aðeins lagaði það leik sinn mikið í seinni hálfleik. Varnarleikurinn var sterkari og einstaklingsmistökin færri, en að sama skapi vantaði meiri ákefð og áræðni í íslenska liðið. Svava Rós Guðmundsdóttir kom inn á sem varamaður í sínum fyrsta landsleik, en þessi efnilegi tvítugi framherji kom inn á fyrir samherja sinn hjá Breiðabliki, Fanndísi Friðriksdóttur. Sara Björk Gunnarsdóttir var eins og drottning inn á miðjunni og stýrði spili íslenska liðsins eins og hægt var í bleytunni og miðverðirnir Anna Björk og Glódís Perla höfðu saman góðar gætur á besta leikmanni Makedóníu, Natösju Andanovu. Skylduverkefni afgreitt hjá stelpunum í Skopje en nú tekur við um helgina erfiðara verkefni gegn Slóveníu.
EM 2017 í Hollandi Mest lesið Uppgjörið: Ísland - Finnland 0-1 | Finnar þorðu og stelpurnar okkar horfðu upp á tap Fótbolti Glódís Perla skipti um stuttbuxur í miðjum leik Fótbolti „Vonandi nær Sveindís að skora, þá verður ferðin þess virði“ Fótbolti Karólína Lea orðin leikmaður Inter Fótbolti Mörg hundruð manna móttaka í Tyrklandi: „Ég elska þig Logi!“ Fótbolti „Tinna mamma“ heldur áfram utan um stelpurnar sínar á EM Fótbolti Frábærar myndir af glöðum Íslendingum á EM Fótbolti Hófu Finnar sálfræðistríð? „Ákveðinn talsmáti sem þær nota“ Fótbolti Margar milljónir í húfi fyrir hvern leikmann í íslenska liðinu á EM Fótbolti Fyrsta byrjunarlið Íslands á EM Fótbolti Fleiri fréttir Einkunnir íslensku stelpnanna: Cecilía best en liðið betra manni færri Twitter yfir leiknum gegn Finnlandi: Vonbrigði í Thun Courtois: Trent Alexander-Arnold martröð fyrir markverði Glódís Perla skipti um stuttbuxur í miðjum leik Frábærar myndir af glöðum Íslendingum á EM „Við erum betra liðið“ Fyrsta byrjunarlið Íslands á EM Uppgjörið: Ísland - Finnland 0-1 | Finnar þorðu og stelpurnar okkar horfðu upp á tap Vissir um að Messi verði áfram í Miami Mamman hefur trú á Sveindísi: „Hún er að fara láta þeim líða hræðilega“ Feðgarnir spenntir fyrir leiknum: „Þá þarf ég að fljúga aftur til Sviss“ „Hún fann það sjálf að hún þyrfti að prófa eitthvað nýtt“ „Ungur og hæfileikaríkur leikmannahópur“ Margar milljónir í húfi fyrir hvern leikmann í íslenska liðinu á EM „Verður vonandi langt sumar í Sviss“ Leikdagur á EM: Áþreifanleg spenna og Finnar jafnvel spenntari „Vonandi nær Sveindís að skora, þá verður ferðin þess virði“ UEFA sveigir reglurnar fyrir fyrsta leik Íslands á EM Goðsagnir hita upp fyrir EM í Pallborði Þjálfara Finna létt skömmu fyrir fyrsta leik á EM gegn Íslandi „Reisn“ yfir ákvörðun Jóns Daða sem gaf stórliðunum langt nef Hófu Finnar sálfræðistríð? „Ákveðinn talsmáti sem þær nota“ Karólína Lea orðin leikmaður Inter „Tinna mamma“ heldur áfram utan um stelpurnar sínar á EM Mörg hundruð manna móttaka í Tyrklandi: „Ég elska þig Logi!“ Dortmund mætir Real en Bellingham bræður mætast ekki „Verður gríðarlega stór stund fyrir mig“ Lokaæfing fyrir EM tekin í þrumum og eldingum „Þetta er svekkjandi“ „Engar svakalegar reglur hér“ Sjá meira