Hundrað leikja byrjunarliðið frá Tampere Óskar Ófeigur Jónsson skrifar 28. október 2015 06:00 Hólmfríður bættist í hundrað leikja klúbbinn á mánudag. Vísir/Vilhelm Tampere í Finnlandi, 24. ágúst 2009. Tímamótadagur og staður fyrir íslensku fótboltalandsliðin þegar stelpurnar í íslenska kvennalandsliðinu spiluðu sinn fyrsta leik A-landsliðs Íslands í úrslitakeppni stórmóts í fótbolta. Tæpu ári seinna varð fyrirliðinn Katrín Jónsdóttir fyrst íslenskra kvenna til að spila hundrað landsleiki fyrir Ísland og frá þeim tíma hafa síðan fimm bæst í hópinn. Allar eiga það sameiginlegt með Katrínu að hafa gengið fylktu liði inn á Ratina Stadion í Tampere fyrir sex árum. Fjórar hafa bæst í hópinn á síðustu tveimur árum og síðustu tvær voru þær Margrét Lára Viðarsdóttir og Hólmfríður Magnúsdóttir í haustleikjum liðsins í undankeppni EM 2017. Eftir hundraðasta landsleik Hólmfríðar Magnúsdóttur í Slóveníu í fyrrakvöld er staðan sú að meira en helmingur af umræddu byrjunarliði hefur fengið inngöngu í klúbbinn. Við getum líka farið að telja niður þar til sú sjöunda bætist í hópinn en hin 25 ára gamla Sara Björk Gunnarsdóttir spilaði sinn 87. landsleik í Slóveníu. Íslenska liðið spilar fimm leiki í undankeppninni á næsta ári og við bætast væntanlega samtals átta leikir í Algarve-bikarnum 2016 og 2017. Sara gæti komist í hópinn snemma árs 2017 þegar íslensku stelpurnar eru vonandi að undirbúa sig fyrir þriðja EM í röð. Eftir standa fjórar úr umræddu byrjunarliði sem ekki komast í hundrað leikja klúbbinn. Bakvörðurinn Erna Björk Sigurðardóttir og miðvörðurinn Guðrún Sóley Gunnarsdóttir voru óheppnar með meiðsli, þá er Ólína Guðbjörg Viðarsdóttir 30 leikjum frá stóra takmarkinu en landsliðsferill hennar er á enda runninn.Grafík/VísirEftir stendur Katrín Ómarsdóttir sem hefur verið úti í kuldanum hjá landsliðsþjálfaranum Frey Alexanderssyni að undanförnu. Hólmfríður bættist einnig í hóp þeirra fimm sem hafa fagnað sigri í stóra tímamótaleiknum en allar sem hafa verið í byrjunarliði í hundraðasta leiknum hafa haft fleiri en eina ástæðu til brosa í leikslok. Hólmfríður fékk að vísu bara hálftíma en náði á þeim tíma að leggja upp mark og hjálpa íslenska liðinu að komast í 2-0 á útivelli. Katrín Jónsdóttir, fyrsta konan í klúbbnum, skoraði í sínum tímamótaleik og er sú eina sem hefur náð því. Eftir þrjú mörk í síðustu tveimur leikjum er Margrét Lára komin með 75 mörk fyrir íslenska landsliðið og vantar nú 25 mörk til að hafa skorað hundrað mörk. Það hefur tekið Margréti 45 landsleiki að skora síðustu 25 mörk sín og því þarf hún að halda dampi og leika fimmtíu landsleiki til viðbótar til að komast líka í hundrað marka klúbbinn. Það eru litlar líkur á því að það takist eða svona álíka miklar og að einhver muni ná að bæta markamet hennar í framtíðinni. Nú, þegar fjórar af sex í hundrað leikja klúbbnum hafa skellt skónum upp á hillu er það raunhæfara markmið hjá Margréti Láru að bæta leikjamet Katrínar Jónsdóttur en til þess þarf þessi mikla markadrottning að spila 32 leiki til viðbótar. Þá hefur Hólmfríður örugglega ekki sagt sitt síðasta þótt hún sé tveimur árum eldri en Margrét Lára enda bara tveimur leikjum á eftir. Katrín spilaði í rúm þrjú ár eftir hundraðasta leikinn en bæði Þóra Björg Helgadóttir og Dóra María Lárusdóttir hættu eftir hundrað leikja árið sitt. Við vonum að Margrét Lára og Hólmfríður fórni sér fyrir Ísland í nokkur ár til viðbótar. EM 2017 í Hollandi Mest lesið „Loksins koma jákvæðar fréttir frá Grindavík“ Golf Sýking í litlu tá heldur Jon Rahm frá keppni á opna bandaríska Golf Hætt við að skilja: „Framtíð okkar er best varið saman“ Golf Ætlar að spila þangað til „dekkin detta af“ Sport Þýska lögreglan vonast til að koma í veg fyrir átök Serba og Englendinga Fótbolti „Fylgir því þvílík sæla að koma hingað aftur“ Golf Toni Kroos: Yrði aðeins of klisjukennt að vinna EM en ég tæki því alveg Fótbolti Dæmdur í bann fyrir að fleygja „fullum vatnsbrúsa í smettið á trommara“ Íslenski boltinn Kominn heim nokkrum dögum eftir hjartastopp Sport Dagskráin í dag: Íslendingaslagur og úrslitaeinvígi NBA Sport Fleiri fréttir Šeško ekki á förum frá Leipzig Þýska lögreglan vonast til að koma í veg fyrir átök Serba og Englendinga Toni Kroos: Yrði aðeins of klisjukennt að vinna EM en ég tæki því alveg Uppgjörið, viðtöl og myndir: Breiðablik - Keflavík 5-2 | Blikar í undanúrslit „Hefði átt að setja þrjú þannig ég er bara ósátt með það“ Ten Hag heldur starfi sínu hjá Manchester United Ronaldo með tvennu í lokaleiknum fyrir EM „Við tökum vel á móti öllum sem vilja gera sér ferð norður“ „Ef þú skorar ekki þá áttu ekki skilið að vinna“ Dæmdur í bann fyrir að fleygja „fullum vatnsbrúsa í smettið á trommara“ Leik lokið: FH - Þór/KA 0-1 | Sandra María skoraði strax og tryggði sigur Uppgjör og viðtöl: Grindavík - Valur | Valskonur í undanúrslit eftir sex marka sigur Will Still vill stilla áfram upp í Frakklandi Sleikti sólina á snekkju en þurfti svo að drífa sig á EM Áfall fyrir Pólverja Hættur að spá fyrir um þjálfaramál Man United Hinn eftirsótti Šeško áfram hjá Leipzig De Jong ekki með Hollandi á EM Hættir líklega ef England verður ekki Evrópumeistari Tuttugu ár síðan allt stefndi í að „ómennskur“ Rooney yrði hetja Englands Segir Bayern hafa náð samkomulagi við lykilmann Leverkusen Mörk Hollands gegn Íslandi „Má ekki vanmeta gæðin sem við búum yfir“ „Ég er ekki fórnarlamb kynþáttaníðs heldur böðull rasista“ „Léleg snerting hér eða þar þá eru þeir komnir strax í andlitið á þér“ Meðvitaður um stöðu sína hjá Man Utd en vill ólmur vera áfram Myndaveisla frá veisluhöldum Hollands í Rotterdam „Þreytuleg mistök og fáum þrjú mörk á okkur í seinni“ „Þreytumerki eftir að þeir skoruðu þriðja markið“ „Þeir eru bara með gæði fram á við og í öllu liðinu“ Sjá meira
Tampere í Finnlandi, 24. ágúst 2009. Tímamótadagur og staður fyrir íslensku fótboltalandsliðin þegar stelpurnar í íslenska kvennalandsliðinu spiluðu sinn fyrsta leik A-landsliðs Íslands í úrslitakeppni stórmóts í fótbolta. Tæpu ári seinna varð fyrirliðinn Katrín Jónsdóttir fyrst íslenskra kvenna til að spila hundrað landsleiki fyrir Ísland og frá þeim tíma hafa síðan fimm bæst í hópinn. Allar eiga það sameiginlegt með Katrínu að hafa gengið fylktu liði inn á Ratina Stadion í Tampere fyrir sex árum. Fjórar hafa bæst í hópinn á síðustu tveimur árum og síðustu tvær voru þær Margrét Lára Viðarsdóttir og Hólmfríður Magnúsdóttir í haustleikjum liðsins í undankeppni EM 2017. Eftir hundraðasta landsleik Hólmfríðar Magnúsdóttur í Slóveníu í fyrrakvöld er staðan sú að meira en helmingur af umræddu byrjunarliði hefur fengið inngöngu í klúbbinn. Við getum líka farið að telja niður þar til sú sjöunda bætist í hópinn en hin 25 ára gamla Sara Björk Gunnarsdóttir spilaði sinn 87. landsleik í Slóveníu. Íslenska liðið spilar fimm leiki í undankeppninni á næsta ári og við bætast væntanlega samtals átta leikir í Algarve-bikarnum 2016 og 2017. Sara gæti komist í hópinn snemma árs 2017 þegar íslensku stelpurnar eru vonandi að undirbúa sig fyrir þriðja EM í röð. Eftir standa fjórar úr umræddu byrjunarliði sem ekki komast í hundrað leikja klúbbinn. Bakvörðurinn Erna Björk Sigurðardóttir og miðvörðurinn Guðrún Sóley Gunnarsdóttir voru óheppnar með meiðsli, þá er Ólína Guðbjörg Viðarsdóttir 30 leikjum frá stóra takmarkinu en landsliðsferill hennar er á enda runninn.Grafík/VísirEftir stendur Katrín Ómarsdóttir sem hefur verið úti í kuldanum hjá landsliðsþjálfaranum Frey Alexanderssyni að undanförnu. Hólmfríður bættist einnig í hóp þeirra fimm sem hafa fagnað sigri í stóra tímamótaleiknum en allar sem hafa verið í byrjunarliði í hundraðasta leiknum hafa haft fleiri en eina ástæðu til brosa í leikslok. Hólmfríður fékk að vísu bara hálftíma en náði á þeim tíma að leggja upp mark og hjálpa íslenska liðinu að komast í 2-0 á útivelli. Katrín Jónsdóttir, fyrsta konan í klúbbnum, skoraði í sínum tímamótaleik og er sú eina sem hefur náð því. Eftir þrjú mörk í síðustu tveimur leikjum er Margrét Lára komin með 75 mörk fyrir íslenska landsliðið og vantar nú 25 mörk til að hafa skorað hundrað mörk. Það hefur tekið Margréti 45 landsleiki að skora síðustu 25 mörk sín og því þarf hún að halda dampi og leika fimmtíu landsleiki til viðbótar til að komast líka í hundrað marka klúbbinn. Það eru litlar líkur á því að það takist eða svona álíka miklar og að einhver muni ná að bæta markamet hennar í framtíðinni. Nú, þegar fjórar af sex í hundrað leikja klúbbnum hafa skellt skónum upp á hillu er það raunhæfara markmið hjá Margréti Láru að bæta leikjamet Katrínar Jónsdóttur en til þess þarf þessi mikla markadrottning að spila 32 leiki til viðbótar. Þá hefur Hólmfríður örugglega ekki sagt sitt síðasta þótt hún sé tveimur árum eldri en Margrét Lára enda bara tveimur leikjum á eftir. Katrín spilaði í rúm þrjú ár eftir hundraðasta leikinn en bæði Þóra Björg Helgadóttir og Dóra María Lárusdóttir hættu eftir hundrað leikja árið sitt. Við vonum að Margrét Lára og Hólmfríður fórni sér fyrir Ísland í nokkur ár til viðbótar.
EM 2017 í Hollandi Mest lesið „Loksins koma jákvæðar fréttir frá Grindavík“ Golf Sýking í litlu tá heldur Jon Rahm frá keppni á opna bandaríska Golf Hætt við að skilja: „Framtíð okkar er best varið saman“ Golf Ætlar að spila þangað til „dekkin detta af“ Sport Þýska lögreglan vonast til að koma í veg fyrir átök Serba og Englendinga Fótbolti „Fylgir því þvílík sæla að koma hingað aftur“ Golf Toni Kroos: Yrði aðeins of klisjukennt að vinna EM en ég tæki því alveg Fótbolti Dæmdur í bann fyrir að fleygja „fullum vatnsbrúsa í smettið á trommara“ Íslenski boltinn Kominn heim nokkrum dögum eftir hjartastopp Sport Dagskráin í dag: Íslendingaslagur og úrslitaeinvígi NBA Sport Fleiri fréttir Šeško ekki á förum frá Leipzig Þýska lögreglan vonast til að koma í veg fyrir átök Serba og Englendinga Toni Kroos: Yrði aðeins of klisjukennt að vinna EM en ég tæki því alveg Uppgjörið, viðtöl og myndir: Breiðablik - Keflavík 5-2 | Blikar í undanúrslit „Hefði átt að setja þrjú þannig ég er bara ósátt með það“ Ten Hag heldur starfi sínu hjá Manchester United Ronaldo með tvennu í lokaleiknum fyrir EM „Við tökum vel á móti öllum sem vilja gera sér ferð norður“ „Ef þú skorar ekki þá áttu ekki skilið að vinna“ Dæmdur í bann fyrir að fleygja „fullum vatnsbrúsa í smettið á trommara“ Leik lokið: FH - Þór/KA 0-1 | Sandra María skoraði strax og tryggði sigur Uppgjör og viðtöl: Grindavík - Valur | Valskonur í undanúrslit eftir sex marka sigur Will Still vill stilla áfram upp í Frakklandi Sleikti sólina á snekkju en þurfti svo að drífa sig á EM Áfall fyrir Pólverja Hættur að spá fyrir um þjálfaramál Man United Hinn eftirsótti Šeško áfram hjá Leipzig De Jong ekki með Hollandi á EM Hættir líklega ef England verður ekki Evrópumeistari Tuttugu ár síðan allt stefndi í að „ómennskur“ Rooney yrði hetja Englands Segir Bayern hafa náð samkomulagi við lykilmann Leverkusen Mörk Hollands gegn Íslandi „Má ekki vanmeta gæðin sem við búum yfir“ „Ég er ekki fórnarlamb kynþáttaníðs heldur böðull rasista“ „Léleg snerting hér eða þar þá eru þeir komnir strax í andlitið á þér“ Meðvitaður um stöðu sína hjá Man Utd en vill ólmur vera áfram Myndaveisla frá veisluhöldum Hollands í Rotterdam „Þreytuleg mistök og fáum þrjú mörk á okkur í seinni“ „Þreytumerki eftir að þeir skoruðu þriðja markið“ „Þeir eru bara með gæði fram á við og í öllu liðinu“ Sjá meira