Ruðningshetjur Nýja-Sjálands í skrýtnum aðstæðum | Myndband

Ruðningshetjur Nýja-Sjálands, oftast kallaðir All-blacks, eru stjörnur myndbandsins í nýjasta öryggismyndbandi Air New Zealand en myndbandið er tileinkað Men in Black myndinni sem Will Smith og Tommy Lee Jones léku eftirminnilega í.

Ruðningslið Nýja-Sjálands er að sýna á sér nýja hlið í myndbandinu en liðið hefur hingað til verið þekkt fyrir haka-dans sinn sem á að fylla andstæðinginn af ótta fyrir leik liðanna.

Að þessu sinni leika þeir í endurgerð af Men in Black myndunum en myndinni er breytt til þess að koma skilaboðum um öryggi í flugvélum að.

Er þetta nýstárleg leið til þess að fá flugfarþega til að fylgjast með öryggisleiðbeiningum á skjánum en erfitt er að segja hvort þetta muni skila sér.