Ben Affleck undirbýr kvikmynd um FIFA skandalinn

Leikarinn Ben Affleck og leikstjórinn, Gavin O'Connor, eru um þessar mundir að undirbúa kvikmynd um FIFA-skandalinn sem átti sér stað fyrr á þessu ári. Vefmiðill í Hollywood greinir frá þessu.

Myndin mun vera byggð á Chuck Blazer, fyrrum stjórnarmanni innan FIFA, en fjórtán fyrrum og núverandi stjórnarmenn FIFA voru handteknir á ársþingi FIFA í Zurich í síðasta mánuði.

Sjá meira: Spilling innan FIFA

Blazer er sagður einn af óhreinustu mönnunum innan FIFA. Hann er sagður hafa þegið mútur í kringum val á stórmótum, en hann er fyrrum amerískur knattspyrnukappi.

Myndin, sem hefur enn ekki fengið nafn, verður skrifuð af O'Connor og hans trausta samstarfsmanni, Anthony Thambakis. Blaðamaðurinn Ken Bensinger, á Buzzfeed fréttastofunni, verður þeim innan handar við upplýsingarleit.