Stjörnuspá Siggu Kling - Meyjan: Júní verður tími hreinsunar

Elsku hjartans meyjan mín. Það er svo kraftmikil orka yfir þér núna og þú átt eftir að verða svo góð í að skipuleggja allt mögulegt. Þú átt eftir að koma sjálfri þér á óvart, hversu magnaður karakter þú ert. Það er eins og það verði töfrar í kringum þig.

Þú tekur svo sterkt á þeim vandamálum sem hafa verið að ergja þig síðasta ár. Þú ert að finna að þetta nýja afl sem kemur til þín er í formi þess hvað þú ert að borða og þú þarft að henda því burt sem dregur úr þér orku. Þetta er tími hreinsunar. Þú munt finna út ef veikindi eða önnur eins vitleysa hefur verið að hrjá þig, hvað þú getur gert til að breyta því. Það er eins og þú finnir hvar þú átt að vera og hvernig þú átt að fá það besta út úr lífinu.

Það er svo margt búið að vera í bölvaðri vitleysu en það tengist öðrum persónum en þér. Sumir þurfa að íhuga að fara á snúruna í einhvern tíma til að hlaða batteríin. Það er svo merkilegt með þig að annaðhvort ertu í ömurlegu sambandi eða svo rosalega góðu að það er enginn millivegur. Það hentar þér líka að vera bara sóló því þú finnur alltaf leið. (Í guðanna bænum ekki skilja út af þessari setningu).

Þú þarft að standa við skuldbindingar þínar, eins fúlt og það er, því þú verður ekki frjáls fyrr. Ef þú ert búin að því þá bíður þín beinn og breiður vegur sem liggur út allt sumarið. Þú verður svo ánægð í haust, elsku meyjumúsin mín, að guð grætur.

Mottó:

Óttastu eigi, fröken karma er að hjálpa þér.

Frægar meyjur: Ragna Lóa simply the best, Manúela Ósk fallega,Björk Eiðsdóttir ritstýra, Andrea fatalistamaður, Claudia Schiffer fyrirsæta, Edda Björgvinsdóttir leikkona, Herdís Jóhannesdóttir athafnakona.