Caitlyn Jenner í tilfinningaþrungnu viðtali: „Þetta var algjört helvíti“

Caitlyn Jenner sat föst inn á heimili sínu í þrjá mánuði til að halda forsíðutökunni í Vanity Fair leyndri.

„Ég hef í raun verið föst hér í þrjá mánuði og þetta hefur tekið gríðarlega á mig,“ sagði Jenner í viðtali um það leyti sem forsíðumyndin var tekin.

Jenner var á forsíðu júlí blaðs Vanity Fair og er sú forsíðu nú orðin heimsfræg. Caitlyn, sem áður hét Bruce Jenner, sat fyrir hjá ljósmyndaranum Annie Leibovitz en heimurinn sá fyrst Caitlyn Jenner á forsíðu tímaritsins. Myndirnar voru teknar á heimili hennar í Malibu í Kaliforníu.

Jenner varð að klæðast víðum fötum og helst í hettupeysu. Ljósmyndarar vöktuðu heimilið hennar allan sólahringinn og varð hún að fara sérstaklega varlega.

„Þetta var algjört helvíti,“ segir hún en sjá má hana í tilfinningaþrungnu viðtali hér að neðan.