Var þetta í fyrsta sinn sem Caitlyn kom fram opinberlega sem kona eftir að hún tilkynnti að hún ætlaði að hefja kynleiðréttingu. Öll börn Caitlyn voru stödd í salnum til þess að fagna með föður sínum, ásamt móður Caitlyn.
Í ræðu sinni sagðist hún aldrei hafa hitt neinn sem var trans eins og hún áður en hún hóf sitt ferli. Caitlyn sagði að í ferli sínu að skipta um kyn hafi hún oft á tíðum verið mjög hrædd, en á sama tíma hafi þessi reynsla opnað augu hennar fyrir þessu málefni og gefið henni innblástur til þess að hjálpa öðrum.
„Um allt land, um allan heim, á þessari stundu er fullt af ungu fólki sem er að reyna að horfast í augu við að þau séu trans. Þau fá þau skilaboð að þau séu öðruvísi og að reyna að vinna úr því ofan á öll önnur vandamál unglingsáranna er þónokkuð stór biti að kyngja,“ sagði Caitlyn.
Áhorfendur stóðu upp og klöppuðu í lok ræðunnar, en hana má sjá í heild sinni hér fyrir neðan.
Nýtt Glamour er komið í allar helstu verslanir - ekki gleyma að tryggja þér eintak!
Komdu í hóp frábærra áskrifenda hér.
Fylgstu með Glamour á Instagram og Facebook.
