Fundin verk og fleiri frá París

„Þetta eru kaldhæðnislegar myndir af heitustu hugðarefnum mannsins,“ eru orð Hallgríms Helgasonar, rithöfundar og myndlistarmanns, um verkin á sýningunni „Parísar-pakkinn“.

Hún verður opnuð í dag klukkan 17 í Tveimur hröfnum listhúsi á Baldursgötu 12. Sem umfjöllunarefni nefnir Hallgrímur ástina, hamingjuna, heimilið og sjálfsímynd hvers og eins – „hina brosandi passamynd“.

Titill sýningarinnar vísar til þess að hluti hennar er verk sem Hallgrímur taldi glötuð en fundust í kjallara i París fyrir tveimur árum. Sem betur fór komst pakkinn heim og nú er innihald hans, ásamt fleiri verkum hans frá þessu tímabili til sýnis.

Sýningin mun standa til 11. október.