Frægir fagna með Saga Film - MYNDBAND

Hjúfr, árlegt partí framleiðslufyrirtækisins Sagafilm, var haldið með pompi og prakt á föstudagskvöldið.

Mörg hundruð manns söfnuðust saman til að fagna því að árið 2013 var stærsta ár í 36 ára sögu fyrirtækisins. Um leið og því var fagnað voru ýmis, ný verkefni afhjúpuð - þar á meðal önnur sería af The Biggest Loser Ísland og ný sería af Stelpunum. Þá var það tilkynnt að búið sé að endurgera Næturvaktina á finnsku.

Í meðfylgjandi myndskeiði er spjallað við Guðnýju Guðjónsdóttur, framkvæmdastjóra Sagafilm, Þórhall Gunnarsson, yfirmann framleiðslu hjá Sagafilm, frasakónginn Jón Gunnar Geirdal, Tobbu Marinósdóttur, forstöðumann markaðsdeildar SkjásEins og Ragnar Agnarsson, forstjóra Sagafilm.