Kim titraði og skalf

Kanye West náði heldur betur að koma unnustu sinni, Kim Kardashian, á óvart þegar hann skellti sér á skeljarnar í október á síðasta ári.

Bónorðið var sýnt í raunveruleikaþætti fjölskyldunnar vestanhafs um helgina. Í þættinum er Kim í áfalli eftir að West bað hennar á hafnaboltavelli að viðstöddum fjölskyldum þeirra og vinum með lúðrasveit og flugeldum.

„Ég titra öll og skelf. Kanye hefur farið framúr sjálfum sér í þetta skiptið. Mér líður eins og ég sé stödd í draumi,“ segir hin nýtrúlofaða Kim við myndavélarnar.