Tók ljósmyndir af samstarfskonu á klósettinu

Lögreglan á höfuðborgarsvæðinu hefur til rannsóknar meint kynferðisbrot fyrrverandi starfsmanns Seðlabanka Íslands. DV greindi fyrst frá málinu fyrir helgi.

Samkvæmt heimildum Vísis tók maðurinn myndir af samstarfskonu sinni á kvennaklósetti á skemmtistað í borginni þar sem starfsmenn voru samankomnir eftir skemmtun fyrr um kvöldið. Nokkrar vikur eru liðnar frá því atvikið átti sér stað.

Konan greindi yfirmanni sínum í Seðlabankanum frá því sem gerst hafði og var atvikið kært til lögreglu. Maðurinn sagði upp störfum eftir að upp komst um málið. Starfssamningi konunnar við bankann var hins vegar að ljúka og er hún nú hætt störfum.

Nánustu samstarfsmönnum í Seðlabankanum var boðið upp á sálfræðiaðstoð og áfallahjálp í kjölfar málsins.