Rúður brotnar í þremur bílum á Ísafirði

Talsvert var um skemmdarverk í embætti lögreglunnar á Vestfjörðum um helgina. Á Ísafirði voru brotnar rúður í þremur ökutækjum og í Bolungarvík voru unnar skemmdir á húsi. Lögreglan óskar eftir því, hafi einhver orðið vitni að umræddum skemmdarverkum, að þeir gefi sig fram við lögreglu.



Lögreglan óskar einnig eftir vitnum af óhappi sem varð á föstudag um klukkan 11 um morguninn. Óhappið varð að ljósri eða grárri fólksbifreið var ekið í veg fyrir bifreið sem ekið var suður Skutulsfjarðarbraut. Ökumaður þess bíl þurfti að nauðhemla til að koma í veg fyrir árekstur og við að nauðhemla kastaðist farþegi í bílnum til og slasaðist. Gera þurfti að meiðslum hans á Fjórðungssjúkrahúsinu á Ísafirði Lögreglan telur að nokkur vitni hafi verið að þessu.

Fimm ökumenn voru kærðir fyrir of hraðan akstur í liðinni viku, þrír í nágrenni Ísafjarðar og tveir við Hólmavík. Tveir ökumenn eru kærðir vegna gruns um meintan akstur undir áhrifum ávana- og fíkniefna.