Aukinn stuðningur við inngöngu Íslands í ESB

37,3 prósent eru hlynntir því að Ísland gangi í Evrópusambandið nú samkvæmt nýrri könnun MMR. Könnuð var afstaða almennings til þess að Ísland gengi í sambandið.

Það eru heldur fleiri en á sama tíma í fyrra en þá sögðust 33,5 prósent vera hlynnt inngöngu.

Af þeim sem tóku afstöðu nú sögðust 49,5 prósent vera andvíg inngöngu samanborið við 49 prósent í fyrra.

Spurt var: Ert þú hlynnt(ur) eða andvíg(ur) því að Ísland gangi í Evrópusambandið (ESB)? 

Svarmöguleikar voru: Mjög andvíg(ur), frekar andvíg(ur), hvorki andvíg(ur) né hlynnt(ur), frekar hlynnt(ur), mjög hlynnt(ur), Veit ekki og Vil ekki svara