Miklir eldar í norskum smábæ

Miklir eldar loguðu í miðbæ Lærdal í Sogn- og Firðafylki í Noregi í nótt. Allt að 30 hús urðu eldinum að bráð en slökkviliðið átti í miklum erfiðleikum með að ráða niðurlögum eldsins vegna veðurs. Norsk yfirvöld reyna nú að fara yfir stöðuna í þessum litla bæ en eldurinn náði einnig að læsa sig í skóglendi ofan við bæinn.

Íbúar í Lærdal eru um 1200 og var um fjórðungi bæjarins gert að yfirgefa heimili sín. Tilkynnt var um eldinn um klukkan ellefu í gærkvöld en um klukkustund síðar hafði slökkviliðið misst alla stjórn.  

Hafa 52 verið lagðir inn á sjúkrahús vegna reykeitrunar en margir íbúanna reyndu sjálfir að slökkva eldinn. 

Nánar á VG.