Rajkovic til KA | Fær Fannar ekki tækifæri?

Það eru markvarðarskipti hjá knattspyrnuliðunum á Akureyri. Sandor Matus hafði áður farið til Þórs frá KA. Nú er Srdjan Rajkovic að fara frá Þór til KA.

Það er norðursport.net sem greinir frá þessu í dag. Rajkovic er öllum hnútum kunnugur í íslenska boltanum enda leikið hér á landi frá árinu 1999.

Samkvæmt heimildum Vísis eru ekki allir KA-menn ánægðir með komu Rajko til félagsins enda var búist við því að hinn efnilegi Fannar Hafsteinsson fengi langþráð tækifæri í búrinu hjá KA.

Fannar mun nú þurfa að berjast við Rajkovic um markvarðarstöðuna hjá gula liðinu á Akureyri.