Þrír handteknir fyrir líkamsárás

Lögreglan á höfuðborgarsvæðinu handtók í nótt þrjá unga karlmenn við veitingahús í Miðborginni grunaðir um líkamsárás.

Mennirnir voru ölvaðir og því vistaðir í fangageymslu fyrir rannsókn máls. Árásarþoli fór á Slysadeild til aðhlynningar.

Árásin átti sér stað á fjórða tímanum í nótt.

Tilkynnt var um innbrot í íbúðarhús í Mosfellsbæ rétt fyrir klukkan þrjú í nótt. Gluggi spenntur upp og fór innbrotsþjófurinn inn en ekki er vitað hverju var stolið.

Þá voru tveir ökumenn stöðvaðir í nótt grunaðir um ölvun við akstur.