Hermann fékk rautt á Akureyri

Hermann Hreiðarsson er ekki búinn að spila eina mínútu með Fylki en er samt kominn með sitt fyrsta rauða spjald.

Hermann, sem var á meðal varamanna Fylkis í leik liðsins gegn Þór í kvöld, var ekki ánægður með frammistöðu dómarans Gunnars Jarls Jónssonar eftir að fyrri hálfleik lauk.

Staðan var þá 5-1 fyrir Þór og Gunnar Örn Jónsson, leikmaður Fylkis, var farinn af velli með rautt spjald.

Hermann og Valur Ingi Johansen, úr starfsliði Fylkis, fengu báðir rautt fyrir framferði sitt gagnvart dómaranum en síðari hálfleikur er nýhafinn þegar þetta er skrifað.