Fimm ungar konur ákærðar fyrir hrottafengna líkamsárás

Fimm ungar konur hafa verið ákærðar fyrir hrottafengna líkamsárás á síðasta ári en þeim er gefið að sök að hafa ráðist á konu á skemmtistað í Reykjavík.

Fram kemur í ákærunni að tveimur af konunum er gefið að sök að hafa aðfararnótt fimmtudagsins 28. mars 2013, ráðist á fórnarlambið með því að rífa í hár hennar inni á kvennaklósetti skemmtistaðarins og slá og sparka í líkama hennar og höfuð.

Konan hlaut rof á hljóðhimnu og mar á höfði, höndum, hálsi og á sköflungum.

Þess er krafist að ákærðu verði dæmdar til refsingar og til greiðslu alls sakarkostnaðar. Auk þess er þess krafist að fórnarlambinu verði greiddar ein milljón í miskabætur.