Indriði skoraði í Íslendingaslag

Indriði Sigurðsson skoraði í 4-2 sigri Viking Stavanger á Sogndal í norsku deildinni í dag, en um Íslendingaslag var að ræða.

Viking lenti undir, en Ulrik Flo kom Sogndal yfir. Indriði Sigurðsson jafnaði metin áður en Tonny Brochmann kom Sogndal aftur yfir.

Þá hófst endurkoman hjá Viking. Kristoffer Haugen jafnaði metin og þeir Vidar Nisja og Yann-Erik de Lanlay tryggðu Viking sigurinn.

Indriði Sigurðsson og Sverrir Ingi Ingason spiluðu allan leikinn fyrir Viking og sömu sögu má segja af Hirti Loga Valgarðssyni hjá Sogndal. Björn Daníel Sverrisson og Steinþór Freyr Þorsteinsson byrjuðu inna hjá Viking, en voru teknir af velli.