Heimir: Þetta verður erfitt

FH mætir Elfsborg í seinni leik liðanna í 3. umferð forkeppni Meistaradeildar Evrópu í kvöld. FH-ingar eru í erfiðri stöðu eftir 4-1 tap í fyrri leiknum ytra, en þrátt fyrir það segir Heimir Guðjónsson, þjálfari Hafnfirðinga, að möguleikinn sé fyrir hendi.

„Þetta er hægt, en þetta verður erfitt. Við spiluðum að mörgu leyti góðan leik úti í Svíþjóð, en misstum einbeitinguna undir lokin og gerðum of mikið af mistökum sem okkur var refsað fyrir,“ sagði Heimir, en nánar er rætt við hann í myndskeiðinu hér að ofan.