Andri aftur í ÍBV

Andri Ólafsson er kominn aftur til síns gamla félags en hann hefur gert samning við ÍBV sem gildir til loka tímabilsins.

Andri fór frá ÍBV til KR fyrir tímabilið í fyrra en spilaði ekkert með liðinu þá vegna meiðsla. Hann fór til Grindavíkur í vetur en fékk sig lausan undan samningi sínum við félagið fyrr í mánuðinum.

Hann var fyrirliði ÍBV um árabil og á tæplega 200 leiki að baki með liðinu í deild og bikar. Hann kom við sögu í níu leikjum með Grindavík í sumar.

Fyrr í vikunni gengu Eyjamenn frá samningum við Isak Nylen og Þórarinn Inga Valdimarsson auk þess sem að félagið framlengdi samning sinn við framherjann Jonathan Glenn, markahæsta leikmann Pepsi-deildar karla.