Pepsi-deild karla | Stórleikur í Vesturbæ

Heil umferð fer fram í Pepsi-deild karla í kvöld og eru nokkrir áhugaverðir leikir á dagskrá. Leikur KR og Breiðabliks verður sýndur beint á Stöð 2 Sport, klukkan 20:00.

Tveir leikir fara fram klukkan 17:00; Þórsarar fara á Fjölnisvöll í bullandi botnbaráttuslag og Stjarnan mætir ÍBV á Samsung-vellinum í Garðarbæ. Fjölnismenn hafa verið í frjálsu falli undanfarið, en Þórsarar verið að vakna til lífsins eftir erfiða byrjun.

Stjarnan er tveimur stigum frá FH og getur með sigri komist að minnsta kosti tímabundið á toppinn þar sem FH á ekki leik fyrr en um kvöldið, en Eyjamenn hafa verið að sækja í sig veðrið og unnið þrjá síðustu leiki sína.

Klukkan 19:15 eru svo þrír leikir. Topplið FH fer í Árbæinn og mætir Fylki. Nýja stúkan í Árbænum er kominn og nú er spurning hversu mörg stig Fylkismenn byrja hirða á heimavelli. FH-ingar þurfa á öllum stigum að halda í toppbaráttunni og Fylkir á öllum stigum að halda í botnbaráttunni.

Spútniklið Víkings fer í Laugardalinn og mætir Fram. Fram vann síðast deildarleik fyrir fimm leikjum síðan og sitja á botninum, á meðan Reykjarvíkur-Víkingar hafa verið frábærir og mæta fullir sjálfstraust í Laugardalinn í fjórða sæti deildarinnar.

Keflavík fær svo Val í heimsókn, en þessum liðum hefur aðeins fatast flugið eftir fína byrjun. Liðin eru í fimmta og sjötta sæti deildarinnar og því um mikilvægan leik að ræða fyrir bæði lið, ætli þau sér að berjast um Evrópusæti.

Klukkan 20:00 hefst svo stórleikur umferðarinnar, KR gegn Breiðablik, í Frostaskjóli, en leikurinn er sýndur beint á Stöð 2 Sport. Leikir þessara liða hafa verið stórskemmtilegir í gegnum tíðina og von er á öðrum slíkum á morgun. Gengi liðana er þó nokkuð ólíkt; KR er í þriðja sætinu með 22 stig á meðan Breiðablik er í áttunda með tíu stigum minna.

Pepsi-mörkin gera svo upp umferðina klukkan 22:00 og fara gaumgæfilega yfir það sem gerðist í umferðinni.

Leikir dagsins:

17.00 Stjarnan - ÍBV

17.00 Fjölnir - Þór

19.15 Fylkir - FH

19.15 Fram - Víkingur R:

19.15 Keflavík - Valur

20.00 Breiðablik - KR (Í beinni á Stöð 2 Sport)