Teknir með heimatilbúnar sprengjur

Þrír drengir voru stöðvaðir af lögreglu í skóglendi við Leirdal rétt fyrir ellefu í gærkvöldi. Samkvæmt tilkynningu voru drengirnir að fikta með eld og höfðu heimatilbúnar sprengjur. Lögregla segir að málið hafi verið afgreitt með aðkomu foreldra og tilkynningu til Barnaverndar.

Mikið var um tilkynningar til lögreglu í gærkvöldi um ölvun og partýhávaða í heimahúsum. Þá var maður í mjög annarlegu ástandi handtekinn í miðbæ Hafnarfjarðar og bifreiðar stöðvaðar í Garðabæ og í Kópavogi vegna gruns um akstur undir áhrifum fíkniefna.