Verslingar hlutgera bæði kynin

Vefsíðan Peysopicker er komin aftur upp en þar getur fólk valið á milli nemenda við Verslunarskóla Íslands sem raðast svo í topp tíu lista.

Vísir fjallaði um síðuna í mars en þá var aðeins hægt að velja á milli stúlkna í fjórða bekk í skólanum.

Nú hefur verið gerð breyting á síðunni og virðist vera hægt að velja á milli stráka og stelpna að þessu sinni.

Síðan vísar til Peysufatadagsins sem haldinn er í skólanum árlega. Peysufatadagurinn í ár var haldinn hátíðlegur þann 29. apríl.

„Þetta er með ólíkindum, óþverraskapur,“ sagði Ingi Ólafsson, skólastjóri Verslunarskólans í samtali við Vísi þann 29. mars.

Síðan var þá tekin niður síðar sama dag en er nú komin aftur upp.