Dansandi drengir vilja verða Billy Elliot

Það var mikil stemning í Borgarleikhúsinu í dag þegar skráningar í prufur fyrir leiksýninguna Billy Elliot fóru fram. Um fjögur þúsund börn á aldrinum átta til fjórtán ára mættu og létu ljós sitt skína.

Þetta er í fyrsta sinn sem Billy Elliot er settur upp hér á landi, en verkið verður verður í leikstjórn Bergs Þórs Ingólfssonar. Sagan gerist í kolanámubæ í Bretlandi á níunda áratugnum þar sem flestir drengir enda á að vinna í námunum eins og feður þeirra. Ungingsstrákurinn Billy byrjar að dansa ballet, en það samræmist ekki hugmyndum fullorða fólksins.

Leikstjórinn segist vona að sýningin verði til þess að fleiri strákar skelli sér í dansnám. Verkið verður frumsýnt í mars á næsta ári og því tekur við margra mánaða ströng þjálfun hjá þeim sem fær hlutverkið eftirsótta.