Félagi þjófsins með hníf og í annarlegu ástandi

Um miðnætti var tilkynnt um hnupl eða þjófnað úr verslun í Austurborginni. Með geranda í för var maður í mjög annarlegu ástandi, félaginn harðneitaði að gefa upp persónuupplýsingar þegar lögreglu bar að og var hann með hníf í fórum sínum. Maðurinn var því vistaður í fangageymslu meðan ástand hans lagast og hægt verður að ræða við hann. Hnuplið og/eða þjófnaðurinn var afgreitt á vettvangi og var gerandi í því máli laus að lokinni upplýsingatöku.

Í gærkvöldi var bifreið ekið á íþróttahús í austurborginni. Ökumaður bifreiðarinnar hugðist stíga á bremsu en steig óvart á bensíngjöfina. Er framendi  bifreiðarinnar mikið tjónaður.