Vinnur fyrir Vogue og GLAMOUR

Elín Reynisdóttir förðunarmeistari sem búsett er í Dubai ásamt eiginmanni og tveimur börnum hefur unnið við fjölda spennandi verkefna í arabísku furstadæmunum. Elín sem starfaði lengi vel hjá RÚV er eftirsótt sminka hér á landi og ekki síður erlendis þegar kemur að því að farða.

Nú síðast farðaði Elín spænsku fyrirsætuna Gracia De Torres fyrir verkefni sem ber yfirskriftina „Primadonna collection“ fyrir sumar 2014. Tískuþátturinn birtist í Glamour og öllum helstu tískublöðum heims eins og Vogue, Cosmopolitan og Vanity fair að sögn Elínar.

Fór í viðtal fyrir verkefnið



“Ég fékk vinnuna í gegnum umboðsskrifstofuna mína. En ég þurfti samt að fara í smá viðtal fyrst,“ svarar Elín spurð hvernig hún náði að landa þessu verkefni.

Hefur unnið mestmegnis fyrir sjónvarpsauglýsingar

„Þetta var svo mikil snilld af því að ég er eiginlega bara búin að vera að vinna við sjónvarpsauglýsingar síðan ég kom út,“ segir hún reynslunni ríkari. 

Hverjir unnu með þér að þessum tískuþætti? „Ég vann með Gracia De Torres frá Spáni en restin af starfsfólkinu var frá Ítaliu. Ljósmyndarinn heitir Dino Frittoli,“ útskýrir Elín.

Elín Reynisdóttir og fyrirsætan í góðum gír á setti.