Systir Juliu Roberts dáin

Nancy Motes, hálfsystir leikkonunnar Juliu Roberts, fannst látin á sunnudaginn. Svo virðist sem of stór skammtur af eiturlyfjum hafi verið banameinið hennar. Nancy var 37 ára gömul, og var yngsta systir Juliu og Eric Roberts sem eru bæði leikarar. Nancy var einnig leikkona, en ferill hennar fór aldrei almennilega af stað.

Hún glímdi við offitu og þunglyndi og talaði opinberlega um offitu sína, en hún gekkst undir hjáveituaðgerð árið 2010.

Nancy fannst á baðherbergisgólfinu heima hjá sér. Hún verður krufin í dag og verið er að rannsaka dauða hennar.