Dýravinur á villigötum

Brotist var inn í gæludýraverslun á Akureyri um þrjúleitið í nótt.

Ekki er ljóst hvort þjófurinn hafi haft eitthvað upp úr krafsinu en lögreglan náði í skottið á honum skömmu síðar í nágrenninu. Hann gistir nú fangageymslur og verður yfirheyrður þegar ástand hans lagast.

Og um klukkan átta í gærkvöldi þurfti að kalla til slökkvilið bæjarins þegar nokkri drengir, sextán og sautján ára, voru að fikta með eld í Hofsbót. Kveiktu þeir í bunka af plaströrum þannig að eldur og mikill svartur reykur blossaði upp. Engin hætta var þó á ferðum þar sem um opið svæði er að ræða, þar sem til stendur að reisa skólpdælustöð í framtíðinni.