Ásdís Rán útilokar ekki að þátttakendur fái bótox

Fyrirsætan Ásdís Rán Gunnarsdóttir hefur í nægu að snúast við undirbúning á nýjum sjónvarpsþætti sem hefur göngu sína á Stöð 3 í lok apríl. 

„Við skyggnumst bak við tjöldin í heimi fegurðar, lífstíls og heilsu og komumst að hinum ýmsu leyndarmálum. Þátturinn verður með skemmtilegu raunveruleikasniði. Við fylgjum eftir tveim heppnum konum í lífstílsátaki þar sem þær fá tækifæri á að finna drottningarnar í sér aftur og njóta þess besta sem finnst í heimi fegurðar og heilsu hér á landi,“ segir Ásdís. 

Þegar talið berst að lýtaaðgerðum segir Ásdís: „Varðandi lýtalækningarnar þá komum við til með að aðstoða á því sviði ef ástæða er til ef þátttakandinn telur það brýna þörf að laga eitthvað eða bæta. Ég útiloka ekki að þær láti setja í sig botox en við veljum þátttakendurna núna næstu daga og langar mig að nota tækifærið og þakka öllum þessu frábæru konum sem sendu mér email á netfangið asdisran@gmail.com og sóttu um þátttöku.“ 

„Ég bjóst aldrei við öllum þessum áhuga sem sýnir bara það að það er kominn tími á að gera vel við og bara líka skyggnast inn í heim íslensku húsmóðurinnar og sjá hvernig staðan er þar. Spurningin er hvort þær hafi einhvern tíma eða pening til að hugsa um sjálfa sig eða eru það bara börnin og fjölskyldan? Við komumst að þessu öllu fljótlega.“ 

„Þátturinn fer í loftið á Stöð 3 núna í lok apríl. Þetta er svakalega skemmtilegt og spennandi verkefni þar sem ég fæ tækifæri á að koma með mína reynslu úr erlendu sjónvarpi til Íslands og stefni náttúrulega á að gera ótrúlega spennandi og áhugavert sjónvarpsefni sem enginn má missa af.“