Ritstjóri NUDE barnshafandi

Jóhanna Björg Christensen ritstjóri NUDE tímaritsins gengur með sitt þriðja barn.  Við forvitnuðumst um hennar markmið í Meistarmánuðinum. 

 „Ég er komin 5 mánuði á leið þannig að markmiðin verða ekki öfgakennd (en ég hef annars frekar gaman að öfgum). Ég ætla að byrja alla daga á sítrónuvatni og nýpressuðum safa og muna að taka vítamín en ég gleymi þeim oft," segir Jóhanna og heldur áfram:

„Ég ætla að hreyfa mig á hverjum degi, takmarka brauðneyslu, minnka gosdrykkju og hafa bara nammidag á laugardögum, sleppa frestunaráráttunni og klára ýmis verkefni sem hafa orðið útundan. Þetta eru allt frekar einföld markmið og ég ætti að fara létt með það að ná þeim. Svo er planið að halda þessu áfram þó að Meistaramánuðurinn verði búinn.“

Fyrir á Jóhanna tvö börn - þau Jóhann Andreas, 8 ára, og Mathildu, 5 ára.

NUDE

Post by Lífið á Visir.is.