"Ótrúlegt sjokk fyrir alla sem vinna að kvikmyndum," segir Baltasar Kormákur

Baltasar Kormákur er í viðtali við The Hollywood Reporter um fyrirhugaðan niðurskurð til kvikmyndagerðar á Íslandi um fjörtíu prósent og lýsir yfir vonbrigðum sínum með aðgerðir ríkisstjórnarinnar.

Í viðtalinu segir hann meðal annars. „Það er næstum ómögulegt að byggja nokkurs konar framtíð fyrir íslenskar kvikmyndir þegar þeir halda áfram að skera niður.“

„Ég held að allir hafi vitað að það yrði einhver niðurskurður, en ekki eins mikill og raunin er. Þetta er meiri niðurskurður en í nokkurri annarri listgrein,“ bætir hann við.