Opið í Bláfjöllum

Bláfjöll opnuðu loks núna klukkan tíu eftir mikla hlákutíð en opið er til klukkan fimm í dag. Í skeyti frá forsvarsmönnum svæðisins eru þar fínar aðstæður, hægur andvari, léttskýjað og hiti mínus þrjú stig.

Flestar lyftur verða opnar í dag en Kóngsgilið verður lokað vegna Skíðamóts. Hinsvegar verður Kóngurinn opinn almenningi og Norðurleiðin (gamla öxlin) er opin. Allar lyftur, þ.m.t. Gosinn verður opin á suðursvæði.

Einnig er opið á skíðasvæðinu á Dalvík, Í Hlíðarfjalli á Akureyri þar sem stólalyftan er því miður lokuð vegna bilunar.

Þá er einnig opið á skíðasvæðinu á Ísafirði, í Oddsskarði og í Tindastóli í Skagafirði.