Hátt í þúsund manns fylgjast með knöpum í Ölfushöllinni

Talið er að um sjö hundruð manns séu staddir í Ölfushöllinni þar sem fyrsta stórmótið í hestaíþróttum fer fram þessa stundina. Þar fer nú fram Meistaradeildin þar sem keppt verður í tölti, fimmgangi og fleiru.

Meistaradeildin er nú haldin í tíunda sinn og verður sú allra stærsta og sterkasta til þessa samkvæmt tilkynningu á heimasíðu Meistaradeildarinnar.

Átta lið keppa til verðlauna og alls eru 32 knapar og hestar skráðir til leiks. Í ár var ákveðið að bæta við einu liði til viðbótar vegna gríðarlegs áhuga á deildinni eins og áhorfstölur bera glöggt vitni um.

Þá er hægt að fylgjast með beinni útsendingu hér, en hún eru gæði hennar háð veðri og vindum.