Vonbrigði hjá formanni SVFR

Veiðiréttareigendur í Norðurá í Borgarfirði höfnuðu því með yfirgnæfandi meirihluta í fyrrakvöld að ganga að tilboðum í útboði á leigurétti árinnar frá árinu 2014. Stangaveiðifélag Reykjavíkur, sem haft hefur ánna á leigu í 66 ár, átti einu tilboðin, 83,5 milljónir og 76,5 milljónir króna.

Veiðiréttareigendur töldu þau ekki endurspegla verðmæti leiguréttarins.

„Ég leyni því ekki að ég er ákaflega svekktur yfir þessari stöðu, segir Bjarni Júlíusson, formaður SVFR. sem útilokar ekki frekari viðræður. „Hugmyndir okkar áttu greinilega ekki uppá pallborðið þannig að ég sé ekki alveg hvað við gætum lagt fram í slíkum viðræðum.“ - th