Fjölbreyttur fatamarkaður á Kaffibarnum

Í dag á milli 15.00 og 19.00 verður fatamarkaður á Kaffibarnum þar sem fjölbreytileikinn mun ráða ríkjum. Agnes Björt Andradóttir, söngkona hljómsveitarinnar Sykurs, ætlar að selja af sér klæðin ásamt fleirum, en hún er þekkt fyrir skemmtilegan og öðruvísi stíl bæði hversdagslega og þegar hún kemur fram.

Meðfram því að vera í Sykur er Agnes verslunarstjóri í Fatamarkaði Spúútnik við Hlemm þar sem freistingarnar eru margar og fátt sem sem hún lætur framhjá sér fara. Hún tók sig saman við vinkonu sína sem einnig glímir við það lúxusvandamál að hafa starfað lengi í fataverslun og eiga of mikið af fötum. Þær fengu til liðs við sig tvær tískudrósir í viðbót og tvo flotta stráka, svo það það ætti ekki að vera vandamál fyrir neinn að finna eitthvað við sitt hæfi.

,,Þetta verða fatnaður og fulgihlutir frá öllum tímabilum tískunnar. Sjálf verð ég að selja flíkur sem ég hef notað á sviði og margt annað verðmætt. Það verður erfitt að kveðja sumar flíkurnar en ég vona bara að þær fari í góðar hendur. Verðlagningin verður í algjöru lágmarki, ég ætla að selja flest mitt á 500 – 1000 kr svo allir geti gert góð kaup. Við hlökkum mikið til og það verður mikið stuð á staðnum. Vonandi koma sem allra flestir", segir Agnes.

Meira um viðburðin hér.