Brotist inn á aðgang 250 þúsund Twitter notenda

Brotist var inn á síður 250 þúsund Twitternotenda í umsvifamiklu netsvindli. Bob Lord, talsmaður öryggismála hjá Twitter, segir að notendanöfnum hafi verið stolið, sem og lykilorðum og öðrum gögnum.

Þeir notendur sem brotist var inn til hafa fengið tölvupóst með upplýsingum um ný lykilorð. Lord segir að þessi tölvuglæpur hafi ekki verið framinn af neinum viðvaningum. Hann segir að brotið líkist mjög mikið innbroti inn á vefsvæði New York Times og Wall Street Journal.

Blöðin telja að það hafi verið kínverskir tölvuþrjótar sem hafi brotist inn á svæðin þeirra.

Meira má lesa um málið á vef BBC.