Hill laus úr fangelsi

Bandaríska söngkonan Lauryn Hill er laus úr fangelsi. Fyrr á þessu ári var hún dæmd í þriggja mánaða fangelsi fyrir skattsvik.

Hill fagnar frelsinu með nýju lagi sem kallast Consumerism. Lagið var samið áður en hún hóf afplánun en var hljóðblandað á meðan hún sat inni.

Nýja lagið einkennist af hröðu textaflæði og sundruðum og uppteknum ryþma. Textinn er samfélagsádeila þar sem Hill tjáir álit sitt á ýmsum málum sem tengjast samfélaginu.

Lauryn Hill er best þekkt fyrir að hafa verið meðlimur í rapphljómsveitinni Fugees, sem var ákaflega vinsæl um heim allan á tíunda áratug síðustu aldar.