100 lágkolvetna uppskriftir

Ný bók eftir Ulriku Davidsson, næringarfræðing og matarbloggara, er komin í verslanir. Bókin inniheldur 100 léttar lágkolvetna uppskriftir.

Í okkar nútímasamfélagi eru heilsa, hreint fæði og matargerð efst á baugi hjá mörgum. Spennandi uppskriftir og ráðleggingar flæða um netmiðlana og möguleikarnir eru endalausir. Margir hafa tileinkað sér lágkolvetna mataræðið sem snýst um að minnka kolvetnaneysluna og velja meiri fitu og prótínríkara fæði.

Mataræðið þykir henta vel til að hemja sykurhungrið sem læðist að fólki en líkaminn notar þá fitu sem orkugjafa í stað kolvetnis.

Ulrika Davidsson, næringarfræðingur og einn vinsælasti matarbloggari Svía. breytti lífsstíl sínum og léttist um 96 kíló á lágkolvetna mataræðinu. Hún hefur nú gefið út bók með 100 uppskriftum sem henta fyrir alla fjölskylduna en bókin hefur verið þýdd á íslensku og heitir Lág kolvetna ljúfmeti 100 léttir réttir.

LAMBAHAKKSHLEIFUR MEÐ RAUÐRÓFUM OG GEITAOSTI

4 skammtar

Gerið tilbrigði við réttinn með því að skipta lambahakkinu út fyrir nautahakk eða blandað hakk. Rauðrófurnar í hverjum skammti innihalda u.þ.b. 7 g af kolvetnum.

1 hvítlauksgeiri

500 g lambahakk

Salt og svartur pipar

1 tsk. þurrkaðar franskar kryddjurtir, Herbes de Provence

1 egg

½ dl rjómi

4 soðnar rauðrófur

1 msk. hunang

150 g geitaostur

70 g grænt salat

Hitið ofninn í 200 gráður. Saxið hvítlauksgeirann smátt. Blandið saman hakki, hvítlauk, salti, pipar, jurtum, eggi og rjóma í skál. Búið til aflanga rúllu úr deiginu og leggið í eldfast fat. Skerið í rúlluna með fingrunum. 

Skerið soðnu rauðrófurnar í litla teninga. Myljið ostinn. Blandið saman rauðrófum, osti og hunangi í skál og leggið blönduna í skorurnar. Fyllið skorurnar aftur með hakki og setjið í ofninn í u.þ.b. 30 mínútur. Berið fram með blönduðu salati.