Vinsælasti íþróttaleikur landsins

„Þetta er stærsti íþóttaleikurinn hér á landi, á ári hverju. Fyrstu þrjá til fjóra dagana seljast að jafnaði svona 600 til 700 stykki,“ segir Ágúst Guðbjartsson, framkvæmdastjóri Skífunnar og Gamestöðvarinnar.

Knattspyrnuleikurinn vinsæli verður fáanlegur í Gamestöðinni frá deginum í dag en leikurinn er talinn einn sá allra vinsælasti hér á landi.

„Allra hörðustu aðdáendurnir gátu tryggt sé leikinn í forsölu í gær. Sama dag fór einnig fram Íslandsmeistaramót Gamestöðvarinnar í Fifa,“ segir Ágúst en um 150 manns tóku þátt í mótinu.

Sigurvegari mótsins hlaut að launum tvo miða á leik með sínu uppáhaldsliði í ensku úrvalsdeildinni, ásamt flugi og hóteli.