Sirkus leitar að trúðum og sterku fólki

Sirkus Íslands hefur hafið leit að trúðum, hljóðfæraleikurum, liðugu fólki, sterku fólki, söngvurum og alls konar hæfileikafólki fyrir fullorðinssýningar sínar.

Áheyrnarprufa fer fram í bakherbergi Harlem 10. október og eru áhugasamir hvattir til að sækja um fyrir miðnætti 30. september. „Þarna verða áhorfendur líka og ég vil hvetja fólk til að mæta, klappa, hlæja og missa andlitið,“ segir Margrét Erla Maack, fullorðins sirkusstjóri.

Hún hvetur fólk með sérstæða hæfileika til að mæta í prufuna. „Okkur vantar búktalara, sverðgleypi, skeggjaðar konur og fólk sem getur spilað á hljóðfæri og gert annað á meðan. Þeir sem heilla okkur fá að vera með okkur.“

Fullorðinssirkusinn kallast Skinnsemi þar sem gjarnan er sýnt smá skinn en alltaf innan skynsemismarka. Aldurstakmark áhorfenda og skemmtikrafta er tuttugu ár því hópurinn kemur oftast koma fram á vínveitingastöðum.