Futuregrapher með smáskífu

Raftónlistarmaðurinn Futuregrapher hefur sent frá sér smáskífuna Fjall. Hún kemur út hjá íslensku útgáfunni Lagaffe Tales og inniheldur endurhljóðblandanir frá Moff & Tarkin og Jónbirni og Siggatunez.

Eitt aukalag er á skífunni sem nefnist Bjarni. Listakonan Jelena Schally sér um raddir á Fjalli. Futuregrapher er listamannsnafn Árna Grétars, sem hefur verið atkvæðamikill í íslensku raftónlistarsenunni. Fyrsta platan hans í fullri lengd, LP, kom út í fyrra við góðar undirtektir.