Connolly sigraðist á krabbameini

Skoski leikarinn Billy Connolly greindi frá því í dag í beinni útsendingu að hann væri laus við krabbamein. Þessi sjötugi leikari og skemmtikraftur mætti í beina útsendingu á Sky Sports News til að hita upp fyrir leik Celtic og Barcelona sem fram fór í kvöld. Þar greindi hann frá þessum tíðindum.

Connolly greindist með krabbamein í blöðruhálskirtli en fékk nýverið þessi frábæru tíðindi frá læknum sínum. Hann á að baki langan og farsælan feril sem leikari í kvikmyndum og sjónvarpsþáttum. Hann leikur tveimur síðari myndunum af Hobbitanum sem koma til sýninga í ár og á næsta ári.