Hlauptu á sunnudaginn - hjálpaðu til við að útrýma krabbameini

Þórunn Hilda Jónasdóttir 35 ára framkvæmdastjóri Lífs styrktarfélags hefur umsjá með alþjóðlega hlaupi sem fram fer í fyrsta sinn um heim allan á sunnudaginn.

Segðu okkur frá hlaupinu? „Þetta er alþjóðlegt hlaup/ganga í 80 öðrum löndum sem haldið er í fyrsta sinn um heim allan. Það er upprunið frá lækni í Washington Larry Maxwell sem nýtti sér tengslanetið sitt til að koma þessu út um allan heim. Katrín Kristjánsdóttir krabbameinslæknir koma að mál við Líf styrktarfélag sem tók boltann ásamt starfsfólki Kvennadeildar Landspítalans."

Hittast á lóð Landspítalans

„Við ætlum að hittast á lóð Landspítalans og hlaupa eða ganga þaðan 5 eða 10 km. Hlaup.is er okkur innan handa með hlaupið og ætla að sjá um tímatökuna og einnig fer skráningin fram hjá þeim, skráningagjald er 2000 krónur en frítt fyrir 15 ára og yngri." 



Hlaupið hefst klukkan 13 á sunnudag

„Við erum svo heppin að við getum veitt verðlaun fyrir hlaupið og eins verðum við með útdráttarverðlaun. Asics skór, hlaupajakkar frá 66°norður, Nike Fuel band frá Nova, legghlífar frá Compresssport, út að borða frá Grillmarkaðnum og Kopar, Aktív frá Nóa svo eitthvað sé nefnt," segir Þórunn Hilda.

Vilja útrýma krabbameini í kvenlíffærum

„Yfirlýst markmið Globeathonsins er að útrýma krabbameini í kvenlíffærum með því að sameina fólk til að sýna málaflokknum stuðning og vekja athygli á þessari tegund krabbameins." „Eins viljum við hjá Líf leggja áherslu á að konur nýti sér þá þjónustu sem er í boði hjá Leitarstöðinni og svo fer allur ágóði af hlaupinu til þess að bæta aðstöðuna á kvenlækningardeildinni."

„Globeathonið er fyrir alla sem vilja sýna þessu málefni stuðning í verki, það fara bara allir á sínum hraða hvort sem þeir hlaupa eða ganga. Spáin er góð fyrir sunnudaginn svo það er tilvalið tækifæri að fá sér heilsubótargöngu í góðum hóp og styrkja gott málefni í leiðinni."

Skemmtilegt myndband sem var gert með því að safna myndum frá mörgum af þátttöku löndunum má sjá hér: http://www.youtube.com/user/Globeathon.



Hér eru upplýsingar um hlaupið:

  https://globeathon.com/

  https://www.facebook.com/GlobeathonIsland

  https://hlaup.is/dagbok.asp?cat_id=5&module_id=220&element_id=24653